الفرق بين الساسو (أول وتاني) والبلدي والمشعر والهجين
1- ساسو جيل أول
هو نتيجة تزاوج :- ذكورجيل أول + وإناث جيل أول
2- ساسو جيل ثاني
هو نتيجة تزاوج :- ذكور جيل أول + إناث جيل تاني
3- المشعر (المحسن)
هو نتيجة تزاوج :- ذكور ساسو + إناث بلدي حر
4- الهجين
هو نتيجة تزاوج :- ذكور ساسو + أم بلدي مشعر
5- البلدي الحر
هو نتيجة تزاوج:- ذكور بلدي + إناث بلدي
النوع العلف الوزن العمر
1-ساسوأول:- 4500 2000جرام 60يوم
2-ساسوثاني:- 5000 1000جرام 70يوم
3-الهجين:- 1000 400جرام 35يوم
4-المشعر:- 1000 300جرام 35يوم
5-البلدي:- 1000 150جرام 35يوم
- يتميزالجيل الأول عن الثاني للساسو بالأتي :-
1- أفضل في المناعات
2- أفضل في مقاومة الأمراض
3- أفضل في التحويل
4- أقل في نسبة الوفيات
- بالطبع سيكون سعر الكتكوت الأول أغلي من الثاني .
- الأفضل في التربية الإقتصادية هو الساسو جيل أول ثم تاني والأفضل في التربية المنزلية هو الهجين والمشعر والبلدي الحر.
لساسو الجيل الاول
المصدر شركة الوفاء الاسماعيليه ( شركة ساسو الفرنسيه )
الوزن 40-42 جرام للكتكوت عمر يوم
الالوان هناك فى حدود 5 الوان وهم
الاحمر وهو السائد - البنى - بنى بشريط على الظهر - رزى - احمر فاتح
الوانه شديده زاهيه واضحه
الاحمر احمر صافى مفيش الوان متداخله - كذالك البنى
- ارجل الكتكوت ليست رفيعه
كمية العلف المستهلكه
4.5 ك علف محبب
المده حوالى 55-60 يوم
الوزن المستهدف 2-2.1 ك
المناعه - عاليه
برنامج التربية
اولا العلف
بياكل 4.5 علف محبب
بادئ
25 يوم
نامى من اليوم 26 حتى اليوم 35
ناهى
من اليوم 36 الى اخر الدوره
ملاحظات
1- الاطباق فى التحضين عدد 5000 الالف كتكوت بيكون 80 طبق علف
ولما يكبروا نضع 120 علافه بلاستيك او صاج 6 ك ( يعنى بتشيل 6 كيلو علف )
2- كل ما الفرخ يكبر نرفع العلافه من على الارض وهكذا
3- نخلى بالنا مفيش علف يقع على الارض
4- نحط العلف على مرتين او تلاته هى تعب شويه بس مش مشكله
5- كل شويه نهز العلف
6- وطبعا فى الصيف بنرفع العلافات من 9 مثلا الى 5 عصرا او لما الجو يبقى درجة الحرارة منخفضه
7- فراخ سرده او اى فرخ مصاب فى اى مشكله اعدمه
8- سطر علافات وسطر سقايات وهكذا
9- ممكن تستقبل الكتاكيت على علف اول 3 ايام وترش عليه سمسم مع حبة بركه
10- لازم نحسب استهلاك العلف كل يوم علشان نعرف حالة القطيع يعنى العلف فى زياده يبقى ماشيين كويس ثبت او اقل او الزياده قليله يبقى عندنا مشكله ولازم ناخد بالنا من لون العلف وريحته
11- لما اجى اسكن فى التحضين هيبقى كل 50 ك فى متر وكل لما العدد تحس انه زحمه اوسع لحد ما اوصل المتر 10 فرخه
ثانيا - الحراره
اول 3 ايام 34 وهنزل بعد كده لحد ما نوصل فى اليوم السابع الى 32 لاكن عاوز اقول ان دى مش قاعده يعنى ايه يعنى ممكن اهم حاجه يكون الكتكوت منتشر فى العنبر وبياكل ويشرب ممكن هذه الدرجات تزيد او تنقص درجة
الاسبوع الثانى هنبدا ب 32 وهنتهى على 30 ( من عمر 7 حتى 14 )
الاسبوع الثالث 30 وهننتهى 28 ( من عمر 15 حنى 21 )
الاسبوع الرابع من 28 وهننتهى على 26 ( من عمر 22 حتى 29 )
بعد كده نمشيها 25 او 26 او 27
اهم شئ الفرخ ميكنشى مجهد او بيلهث او لامم على بعضه
برنامج الدواء
اول 8 ساعات نستقبل على محلول معالجة الجفاف جرام للتر +20 سم عسل اسود للتر + 0.5 اد3ه
اول ثلاث ايام نستقبل على انروفلوكساسين + كولستين
طيب الجرعه انا اول سقوه بحط 2 سم انروفلوكساسين ( لا يؤثر على الكلى ) وبعد ربع جرام كولستين
وبعد كده بمشيها سم انرو + ربع كولستين
العمليه مظبوطه والنافق تمام كفايه 3 ايام فى نافق كمل يوم او يومين
اليوم الخامس والسادس هنزل ب اد3ه +املاح معدنيه + ه سيلينوم كل حاجه مثلا سقوه او 8 سعات
قبل التحصينه اللى هى هتكون اليوم السابع بنزل برافع مناعه زى فولمكس
اليوم السابع هنزل بالتحصينه وياريت نحصن بدرى على الساعه 7 نكون محصنين وخلى بالكم كل المشاكل اللى بتحصل سببها التحصين يعنى تعطش جامد الكتاكيت تتجنن على الماء تدخل تغرق نفسها تيار هواء على طول تجيلك الطشمه فياريت نخلى بالنا
بعد التحصينه ممكن انزل ب ه سيلينوم وبعدها ممكن رافع مناعه اليوم التاسع والعاشر هننزل بسقوة سموم ياسيم ضرورى وبعدها اى حاجه تنفسى لو فى انروفلوكساسين مع منتوكليين فى نفس السقوه فاضل عندك من التحضين يبقى انزل بيه لمدة 3 ايام مع مضاد السموم ياسيم بالتبادل كل واحد لوحده فى الماء يعنى محدش يقلى مع بعض
لو لاحظنا اسهال بنى ذو رائحه كريه بكثره ممكن ننزل بجرعة كولسترديا ( متروتوم 12 ساعه ثم كوكسى ستات 12 ساعه )
حقن انفلونزا ونيوكسل على اليوم العاشر اللى هى اسمها الثنائى طيب نخلى بالنا من الموضوع مهم جدا عدم تجميع الفراخ فى مكان للحقن و بعدين نضعهم فى مكان فيه تيارات هواء مباشره
نقسم العنبر لاجزاء مثلا عندك 5000 الالف تخلى 4000 فى حجازه لوحدهم طبيعى يعنى مفيش زحمه ولا اى تاثير وحاجزه فى 500 او الف بكتييير وحجازه يرمى فيها اللى يتحقن كده انسى الطشمه
نرجع بقى للبرنامج
اليوم ال 14
قبله هندى رافع مناعه فولمكس لمدة 8 سعات الصبح بدرى نحصن الجامبورو ( تحصينه غلسه وشديده ) دايما تعمل مشاكل
طبعا قبل اى تحصينه بنعطش
بعد كده
اليوم 15 و 16 و 17
سقوه مضاد للكولسترديا متروتوم
وسقوة مصاد للكوكسديا كوكسى ستات
وسقوة سموم ياسيم
لو فى اى مشاكل تنفسيه هيبقى فى جرعة مضاد حيوى تنفسى ارثرومايسين مع منتوكليين
اليوم ال 18 قبله ب 8 سعات رافع مناعه فولمكس وبعدين احصن الكلون
عطش قبلها ساعتين
وبعدها رافع مناعه فولمكس وبعدين
بعد كده هنحصن كولون اليوم 28 و 38
بعد كده هنمشى كل اسبوع جرعة سموم ياسيم + جرعة تنفسى +معوى
كل 10 ايام مضاد كولسترديا وكوكسديا ( متروتوم / كوكسى ستات )
كل 12 يوم غسيل كلوى ومنشط كبد كليين
المهم اننا نخلى بالنا بعد اليوم ال30 من الكوكسديا والكولسترديا علشان الفرخ ما يسيفش بلغة التجار يعنى يخف
اهم شئ فى الساسو نركز على الكولسترديا والكوكسديا مقرفين بجد
الساسو الجيل التانى
اننا هنكون قطيع مثلا من 1000 دجاجه بياض
هناك 3 طرق
الطريقه الاولى
ذكور ساسو جيل اول ويفضل اختيار اللون الاحمر او الون البنى عن تجربه + اناث جيل تانى من مصدر موثوق به
الطريقه الثانيه
ذكور شيفر + اناث جيل ثانى
الطريقه الثالثه
ذكور ساسو جيل اول او جيل ثانى مع فراخ بياض اجنبى ( يعنى انا مجربتهاش بصراحه لاكن دى كانت نصيحه من دكتور لمربى )
هنفترض هنشتغل بالطريقه الاولى
الالف دجاجه عاوزين معاهم 100 ديك تقريبا ممكن نخليهم 110 ديك
يتم شراء عدد 1000 كتكوت عمر يوم جيل اول ويتم انتخاب ال 100 ديك فى مرحلة البيع
ال 1000 دجاجه يتم شراء عدد 3000 فرخه جيل ثانى ويتم انتخاب ال 1000 دجاجه
موضوع سهل جدا
طيب
بالنسبه للعلف
الاناث
من عمر يوم حتى 53 يوم علف مفتوح
640
320
17.5 ثنائى
12 ك بودره
4 ملح
3 بريمكس بياض
1.5 يمثونين
1ك امبرول بلس
0.5 بيو باور سموم
0.25 لينكو مكس
من عمر54 الى 133 يوم 50 جرام وكل اسبوع هنزود 5 جرام هيوصل الى 90 جرام فى البلدى و 100 فى الساسو
ودى التركيبه
638
213
110 رده
15 بودره
15.5 ثنائى
3.5 ملح
3 بريمكس
0.750 امبرول بلس
0.5 بايو باور
0.25 لينكو مكس 95 جرام - 110
من 133 الى نهاية الدوره
133
633
227
50 مركزات
9 ثنائى
10 جليتين
60 بودره
3 بريمكس
1 ك ميثونين
0.750 امبرول بلس
0.5 بايو باور
0.25 لينكو مكس 95 جرام - 110
عليقة الديوك
دى الديوك اللى بنستخدمها فى التلقيح مع الاناث الجيل الثانى
من عمر يوم حتى عمر 30 يوم
بادئ تسمين بروتين 23 %
من 31 حتى 45 يوم
ناهى تسمين 19 % ( خدو بالكم ناهى تسمين )
من عمر 46 يوم حتى 120 يوم
100 مركزات بياض
160 صويا
100 رده
540 ذره
10 ثنائى
3 بريمكس
0.5 لايسين
.5 مثونين
من 120
701 ذره
180 صويا
100 مركزات بياض
10 حجر جيرى
5 ثنائى
2 ملح
1 بريمكس
1 ميثونين
بعد كده يتم رفع الحجر الجيرى الى 35 وبينزلو من الذره
بعد كده هتدخل الديوك على 110 او 120 لان الفراخ مش هتبشر معاك قبل 140 يوم
ده بياض
*************************************************************
التسمين بقى
الجيل التانى
المصدر اكثر من شركة
الوزن 35 جرام
الالوان
1- فى حالة دخول الشيفر هيكون كله مشط واحد
2- الوان مثل الجيل الاول ولاكن الفرق ان هذة الاوان ليس صافيه بمعنى ان ممكن تلاقى احمر معه اى لون اخر بنسبة بسيطه
كما ان الالوان تحس انها باهته جداااااااااااااااا
حجم الكتكوت اقل من الاول
رجلين الكتكوت ارفع من الجيل الاول
كمية العلف المستهلكه
4.5
المده
60-65 يوم
الوزن المستهدف
1.750 -1800 جرام
المناعه كويسه
النافق انت وحظك
سعر الكتكوت 1.5-1.75 قرش
مطلوب فى البيع عن الساسو الجيل الاول لان الوانه كتييير
*********************************************************
الهجين والمشعر والحر
ده شغل مواسم بيع للتجار - تربة اعمار
1- الهجين
بيجى ازاى
ذكور ساسو جيل اول او تانى بنسبة معينه مع اناص البلدى الحر
المصدر
معامل اهليه
الوزن 25 جرام
الالوان متعدش - كتييييييييييييييييييييييييييييير وكله فى بعضه
رجليه رفيعه تزعل
ياكل كيلو علف فى 35 يوم يوصل ل 400 جرام
عمر يوم حاليا 130 قرش
سعر الكيلو 17-16
*********
المشعر
ذكور ساسو مع اناث بلدى حر بس بنسبه قليله جدا
مطلوب من السريحه بيعشقووووو - بينهم وبينه قصة حب
الوانه مفيش الوان يامعلم انسى كله فى بعضه تربيه داخليه واديلووووووو
ياكل كيلو علف يديك 350 جرام لحم على 40 يوم واكتر
سعر الكيلو 17
الكتكوت ب 1.30-1.40
****************************
البلدى الحر
ده قليل قوووى
زى المشعر فى كل حاجه الا حاجه وحده مفيش اى تهجين نهائى هو الاصل
اهم ما يميزه
يعنى لو جيلك عربيه فيها 1000 كتكوت وعاوز تعرف ده بلدى حر هتلاقى 15-20 % منه برقبه يعنى شركسى
3

عرض التعليقات

جارٍ التحميل